'B'karozzi lussużi jiġbru l-għaġin u r-ross tal-Ewropa'"


Meta konna qed inqassmu l-ikel li kien issussidjat mill-Unjoni Ewropea, waħda mill-affarijiet li impressjonat lin-nies inkarigati mit-tqassim kienet li jkollok persuni b'karozzi jiswew ħafna l-flus u dawn jmorru jiġbru dan l-ikel b'dawn il-karozzi. Meta tara d-dħul ta' dawk il-persuni, issib li verament jaqgħu fil-faxxa tal-ifqar fost l-ifqar.
"X'għamilna? Iċċekkjajna mat-Tax Compliance Unit u ċċekkjajna xi proprjetà u x'karozzi għandhom. U għalhekk bdejna nidentifikaw lil dawn in-nies u bdejna nsibu l-assi li għandhom. Meta bdejna nagħmlu l-profil ta' dawk li jiġbru dan l-ikel, dawn in-nies issa indunaw li aħjar ma jiġbrux dan l-ikel u fil-fatt hemm ikel li ma nġabarx."
Dan iddikjarah il-Ministru Michael Farrugia meta llejla għalaq id-dibattitu parlamentari dwar l-abbozz ta' liġi li jemenda diversi liġijiet. Hu stqarr ukoll li, "Il-problemi għadna ma solvejnihomx u fadal ħafna xi jsir fuq il-faqar."
minn inewsmalta.com