'Addozzjoni differenti li dwarha jafu d-dettalji l-koppja u l-aġenzija'


Il-każ  ta adozzjoni ta tarbija li fih koppja Maltija ħallset kważi €40,000 iżda xorta baqgħet lampa stampa, qajjem reazzjoni fost għadd ta' koppji. Kienu diversi dawk il-koppji li qegħdin fil-proċess li jadottaw u spjegaw id-diffikultajiet li qed jiffaċċjaw fosthom dewmien.
Mill-banda l-oħra l-Awtorità Ċentrali tal-Adozzjonijiet, meta kkuntattjata minn inewsmalta.com dwar il-każ żvelat mid-Deputat Laburista Franco Merċieċa, qaltilna li "nistgħu ngħidu li dħalna f'dan l-każ. Dan il-każ issa hu magħluq. Dik kienet tip ta' adozzjoni differenti. Id-dettalji jafuhom il-koppja u l-aġenzija. Il-każ minn naħa tagħna hu magħluq. Nenfasizzaw li dak kien każ ta' adozzjoni differenti".
Id-Deputat Laburista Franco Mercieca, waqt intervent fil-Parlament fid-diskussjoni dwar l-Abbozz ta' liġi dwar l-Awtorità ta' Standards ta' Ħarsien qal li "Naf koppja li għaddejja minn martirju. Dan għax kienu mwegħdin minn aġenzija li se jadottaw tarbija. Ħallsu b'kollox bejn €30,000 u €40,000 u għadhom b'idejhom vojta. Issa l-awtorità responsabbli qatgħetha li din l-aġenzija mhix tilħaq l-istandards", qal Franco Merċieċa.