Is-saga tkompli: Aktar tniġġis f'San Pawl il-Baħar

Kull min dalgħodu mar jgħum fil-baħar li hemm taħt il-pjazza ta' Buġibba jew qagħad jittawwal mill-promenad lejn il-baħar, ma setax ma jinnutax irqajja ġodda ta' tniġġis. 

Jidher li dan qajjem rabja fost għadd ta' persuni tant li kien hemm xi wħud li ċemplu lil wieħed mis-sidien ta' razzett tal-ħut fejn dan infurmaw li kien se jmorru huma jneħħu dak it-tniġġis. 

Ta' min jgħid li l-MEPA pposponiet id-deċiżjoni dwar l-irziezet tal-ħut, xi ħaġa li ġabet id-diżapprovazzjoni kemm tal-Prim Ministru kif ukoll tal-Ministru għall-Ambjent Josè Herrera.