Aktar salvataġġi... 'Kif salvajniehom bdew jibku u jsejħu 'l ommhom li mietet fil-vjaġġ'

Illum seħħew għadd ta' salvataġġi oħra fil-baħar Mediterran, fejn fost oħrajn 138 persuna ġew salvati minn fuq dinghy u ttellgħu abbord il-bastiment ta' Medecins Sans Frontieres (MSF), Aquarius.

F'dawn is-salvataġġi spikkaw żewġ aħwa li malli ġew salvati bdew jibku u jsejħu 'l ommhom. Hija mietet ftit qabel ma kellhom jitilgħu fuq id-dinghy għall-vjaġġ lejn l-Ewropa.

Volontieri li kienu fost dawk li salvawhom iddeskrivew is-sitwazzjoni bħala waħda tal-qsim il-qalb. "Kif salvajniehom bdew jibku. Ma riedu jieqfu b'xejn. Jibku u jsejħu lil ommhom. Għal dawn l-aħwa, minkejja li kienu salvati, id-disprament kien kbir. Ivvjaġġaw min-Niġerja flimkien ma' ommhom. Hi kienet ma tilflaħx waqt il-vjaġġ lejn il-Libja. Beda ħiereġ ħafna demm minn imneħirha imma ma ngħatat l-ebda għajnuna. Ftit qabel qabdu d-dgħajsa, raw lil ommhom tmut quddiem għajnejhom. Tfulija mkissra," qalu l-volontieri.

minn inewsmalta.com