Sparar fuq xtajta Libjana ... missier jinfired minn ma' martu u
wliedu jiltaqgħu mill-ġdid fuq vapur tas-salvataġġ

Faith, ir-raġel tagħha Victor u żewġ uliedhom kienu flimkien ma' immigranti oħrajn qed jistennew fuq xtajta Libjana. Inqalgħet kwistjoni u kien hemm xi sparar. Il-familja sfat mifruda, Victor naħa u martu u wliedha naħa oħra.
Kienu sigħat ta' inċertezza għal din il-koppja.  Kienet xena li ġibdet l-għajn abbord wieħed mill-bastimenti ta' salvataġġ, meta t-tifel ra lil missieru abbord u mar jgħannqu. Wara marru martu u t-tifel l-ieħor. 
Intant matul il-ġurnata tal-bieraħ il-Gwardji tal-Kosta Taljana salvaw xejn inqas minn 350 persuna fil-vjaġġ mil-Libja lejn l-Ewropea. Dawn kienu abbord tliet dinghies.