"Rajt ħafna mwiet ... imma bħal dawn qatt"

Katavri f'qiegħ ta' dinghy. Immigranti jgħolli idejhom u anke tarbija għad-dehra tal-bastiment. Jaslu fil-qrib u l-immigranti jibdew jiġu salvati. Kellhom litteralment jgħaddu minn fuq sħabhom mejtin fil-qiegħ tad-dinghi. Din hi d-dehra li ra l-fotografu Aris Messinis, meta kien fuq il-bastiment Astral, li hu mmexxi minn għaqda umanitarja. Minkejja li segwa mill-qrib għadd ta' kunflitti bħal dak fil-Libja u s-Sirja, Aris Messini jiddeskrivi dak li ra nhar it-Tlieta bħala xi ħaġa li qatt ma ra bħalha. 'Rajt ħafna imwiet imma bħal dawn qatt ma rajt", jgħid Messinis. Ir-ritratti li ġibed m'għandhom bżonn ebda kumment.