Ħelsu mit-terrapien billi rmewh fuq l-irdum tal-Imtaħleb

Kull min fl-aħħar jiem mar fl-inħawi ta' Miġra l-Ferħa fl-irdumijiet ta' Ħad-Dingli ma setax ma jiddiżgustax ruħu b'munzell terrapien u skart ieħor li ntefa' hemm minn xi ħadd irresponsabbli. Din hi żona li hi mfittxija sew kemm minn Maltin u kemm minn turisti. Tasal għaliha permezz ta' triq, bl-iskart intefa' qrib il-parkeġġ li hemm fuq l-irdum. Nittamaw li tittieħed azzjoni biex dan l-iskart ma jkomplix ikerrah id-dehra tal-irdumijiet.