1,314 persuna mietu fil-Mediterran f'erba' xhur…għajnuna psikoloġika lil dawk salvati

Hekk kif għadhom kif ġew salvati 249 immigrant mill-bastiment navali Taljana Dattilo, fl-aħħar sigħat l-ammont ta' persuni li tilfu ħajjithom fiċ-ċentru tal-Mediterran fil-vjaġġ bejn l-Afrika ta' Fuq u l-Ewropa tela' għal xejn inqas minn 1,314 persuna. Fl-aħħar sigħat, f'ibħra 'l barra mil-Libja seħħet traġedja oħra fejn dinghi nofsu mgħarraq wassal biex għebu aktar minn 80 persuna li kienu fuqu.  26 persuna ġew salvati u ddaħħlu Lampedusa. Jidher li jinsabu f'kundizzjoni trawmatika għall-aħħar.

inewsmalta.com hu nfurmat li minħabba trawma li għaddew minnha dawn l-immigranti, f'Lampedusa intbagħat tim ta' psikologi biex jassistu lil dawk li salvaw.

Jidher li l-ewwel sejħa għall-għajnuna waslet minn mowbajl bis-satellita fejn il-Gwardji tal-Kosta Taljani idderiġew lejn il-post bastiment merkantili. Huma salvaw lil dawk li kien hemm f'dinghili normalment fuqu jitpoġġew ftit aktar minn 100 immigrant.

Minn Jannar sa issa fl-Ewropa waslu xejn inqas minn 183,000 immigrant.

Ritratt: Arkivji Ian Noel Pace

minn inewsmalta.com