Tniġġis fil-Ħofriet f'Delimara

Għadd ta' għawwiema li dalgħodu morru fl-inħawi magħrufa bħala 'Il-Ħofriet' ilmentaw minn tniġġis li kien qed jikkaratterizza l-baħar.

Din ma kinitx l-ewwel darba li l-baħar f'dawn l-inħawi jkollu għadd ta' rqajja' bojod, b'ħafna jallegaw li dan ikun ġej mill-irziezet tal-ħut fil-qrib. Għawwiem li tkellem ma' inewsmalta.com qal li, "Ġejna l-Ħofriet u sibna ħafna rqajja' bojod. Minn fejn kienu ġejjin ma nafx. Li naf żgur hu li kien hemm irwejjaħ qawwija.”