'Fassalna strateġija u nvolviet sena xogħol…kburin bir-rebħa ta' dan il-festival internazzjonali tal-logħob tan-nar'

B'ċelebrazzjonijiet spontanji fil-każin tal-Għaqda Mużikali Santa Marija f'Ħal Għaxaq bis-sede imballata bin-nies jiċċelebraw. is-Segretarju tal-Għaqda Mużikali Santa Marija, Dr. John Agius f'kummenti lil inewsmalta.com, iddeskriva l-fatt li l-Għaqda tan-Nar Santa Marija f'Ħal Għaxaq rebħet il-festival internazzjonali tal-logħob tan-nar li sar f'pajjiżna, bħala suċċess kbir.

Hu qalilna li "assolutament kuntenti ħafna. Dan hu  unur kbir għalina. Din hi l-ewwel darba li irbaħna l-festival internazzonali f'Malta kif inhu kompost bħalissa. Konna rbaħna s-sezzjoni tal-beraq u fis-sena 2010 konna rbaħna is-sezzjoni tal-pyro musical. Din hi rebħa kbira kemm għax ix-xogħol kien sinkronizzat u kif ukoll għax kien hemm kompetizzjoni internazzjonali".

Mistoqsi dwar ix-xogħol involut biex ittellgħet il-wirja piroteknika, hu qalilna li "għandna tim tan-nar żagħżgħ u flimkien mal-veterani ħejjew dan l-ispettaklu. Din id-deċiżjoni li nidħlu fil-festival ħadniha ġimgħatejn fuq il-festa ta' Santa Marija. Kienet tinvolvi kważi sena xogħol u sar ħafna ħsieb. Bdejna l-ispettaklu bl-Innu Malti u wara segwiet mużika varjata u spiċċajna fuq klassiku. Kienet sena xogħol barra xogħol għall-festa tagħna u festi oħra."

Ritratt: Daniel Abela

minn inewsmalta.com