• 

Il-kondotta: Sal-lum bilfors trid tmur il-Furjana imma daqt tibda tintbagħtlek id-dar

Skont il-liġi eżistenti mhux possibbli li persuna titlob iċ-ċertifikat tal-kondotta b'mezzi elettroniċi. B'abbozz ta' liġi li beda jiġi diskuss fil-Parlament issa se jkun hemm il-possibilità li persuna titlob il-kondotta b'mezzi elettroniċi.

Il-Ministru għall-Intern qal li issa b'dan l-abbozz wieħed jista' jordna l-kondotta mill-kumdità ta' daru jew l-uffiċċju u imbagħad dan jirċeviha bil-posta. Qal li issa b'dan l-abbozz m'hemm għalfejn wieħed jieħu l-ġurnata leave biex jiġbor il-kondotta.
Ritratt: Ian Noel Pace
minn inewsmalta.com