Salvati 3,200 immigrant f'26 salvataġġ

Fl-aħħar sigħat, eżattament bejn ilbieraħ u llum, mir-rotta taċ-ċentru tal-Mediterran ġew salvati xejn inqas minn 3,200 immigrant f'26 operazzjoni ta' salvataġġ.

F'dawn l-operazzjonijiet ta' salvataġġ kienu involuti l-Gwardji tal-Kosta Taljani, il-missjoni tal-Unjoni Ewropea Sophia kif ukoll organizzazzjonijiet umanitarji li għandhom bastimenti fil-Mediterran biex iwettqu s-salvataġġi fosthom Medecins Sans Frontieres (MSF).
Fost dawk salvati nstabet persuna mejta. B'dawn is-salvataġġi l-ammont ta' persuni li se jkunu daħlu l-Italja matul din is-sena se jkun qabeż it-80,000 persuna.