Nawfraġju ieħor ta' immigranti

Fl-aħħar sigħat seħħ nawfraġju ieħor fil-Baħar Mediterran u dan meta dgħajsa b'għadd ta immigranti għerqet u l-persuni spiċċaw fil-baħar.  Huma ġew salvati minn organizazzjoni Ġermaniża. B'kollox ġew salvati 21 persuna, fosthom sebat itfal. Sa ftit tal-ħin ilu kienet għaddejja tfittxija għal ħames persuni oħra.

Intant dalgħodu ġew salvati 157 persuna mill-bastiment Phoenix u 174 mill-bastiment Responder.

Il-kundizzjoni ta' dawk salvati għalkemm ġiet deskritta bħala li hi waħda tajba, intqal li dawn kienu mxarrbin għasra minħabba mewġ pjuttost qawwi b'xi wħud kellhom xokk fuqhom minħabba l-qawwa tal-baħar.