Proposta dar tal-anzjani b'faċilitajiet fuq żona barra mill-iżvilupp

Art ta' xejn inqas minn 12,000 metru kwadru li tinsab barra miż-żona tal-iżvilupp f'Tal-Balal fin-Naxxar qed tkun proposta biex tkun żviluppata biex fiha tinbena dar għall-anzjani.  Qed ikun propost li din id-dar se jkun fiha pixxina u faċilitajiet anċillari.

Dwar din l-applikazzjoni diġa hemm min hu lest li joġġezzjona u dan hekk kif din għadha żona  li sa issa m'hemmx żvilupp fiha. Resident li jgħix ftit bogħod, f'kuntatt li għamel ma' inewsmalta.com qalilna li "naħseb li ma nistgħux nibqgħu nitilfu aktar art verġni. Nifhem li dan hu proġett essenzjali għax hawn bżonn djar tal-anzjani. Dan imma m'għandux isir għas-skapitu tal-ambjent".