"Għal darb'oħra qed tiġi sfidata l-liġi tal-pajjiż"
        - l-eks-Sindku Laburista Ray Tabone

Il-kwistjoni dwar il-post ta' talb tal-Musulmani fi Triq il-Mazzola f'Buġibba kompliet illum u dan hekk kif l-eks Sindku Laburista Ray Tabone, ftit ħin ilu kiteb lis-Segretarju Eżekuttiv tal-Kunsill Lokali u talbu biex jinforma lill-Pulizija għax reġa' sar talb bla permess. Hu ddikjara bla tlaqliq fl-ittra li kiteb li "jidher li għal darb'oħra qed tiġi sfidata l-liġi tal-pajjiż". L-eks-Sindku kiteb li "qed nerġa' nipprotesta u nitlob li jerġgħu jiġu infurmati l-Pulizija".