'Il-Partit Nazzjonalista hu tarka tal-ħaddiema' - Id-Deputata Nazzjonalista Kristy Debono

"Insellem lill-ħaddiema li qed jiffaċċjaw diskriminazzjoni fosthom lil dawk li qed isofru minn diskriminazzoni politika. Il-Partit Nazzjonalista hu tarka ta' dawn il-ħaddiema." Dan sostnietu id-Deputata Nazzjonalista Kristy Debono waqt il-laqgħa politika fil-Mosta.

Hi fakkret kif ix-xufier ta' Simon Busuttil kien investigat iżda min għandu l-kontijiet fil-Panama ma ġiex investigat.

Irreferiet għar-re shuffle u qal li dak li sar il-Gvern neżża lilu nnifsu mill-enerġija u minflok mela lil Partit Nazzjonalista bl-enerġija.

Hi qalet li 'għandna pajjiż uniku bl-akbar Kabinett fl-istora. M'għandniex Prim Ministru wieħed imma għandna tlieta. Dan hu Gvern li qed jittradixxi lil-Laburisti ġenwini u għalhekk mhux se jiddejjaq jidħak bina ukoll".

"Minn naħa tiegħu, l-Kap Nazzjonalista Simon Busuttil hu ffukat fuq viżjoni għall-pajjiż u jrid jassigura li jinħolqu karrieri. L-appell lil ħaddiema hu li għal mument ejjew inwarrbu l-opinjoni politika u naraw min verament ħadem għall-ħaddiema. Il-garanzija tagħkom għal futur hu biss il-Partit Nazzjonalista. Il-futur hu biss Simon Busuttil", qalet Kristy Debono.

Ritratt: Arkivji Ian Noel Pace

minn inewsmalta.com