Ebda ħaddiem fid-detenzjoni ma jista' jġorr arma tan-nar

Fil-Parlament illejla tqajmet il-kwistjoni, permezz ta' mistoqsija Parlamentari, dwar ħaddiema fiċ-ċentri ta' detenzjoni u kemm minnhom għandhom permess li jġorru arma tan-nar. Din il-mistoqsija saret mid-Deputat Nazzjonalista Carm Mifsud Bonnici, li hu midħla ta' dan is-settur peress li kien Ministru tal-Intern.

Il-Ministru Carmelo Abela wieġeb li, "Ħadd mill-persuni li jaħdmu fiċ-ċentri ta’ detenzjoni m’għandu l-permess li jġorr arma tan-nar (jew xi tip ta’ arma oħra), ħlief il-ftit membri tal-Forzi Armati ta’ Malta li huma mislufa mas-Servizz ta’ Detenzjoni. Dawn il-membri tal-Forzi Armati ta’ Malta la huma awtorizzati u lanqas ma jġorru arma tan-nar fuqhom waqt xogħol fiċ-ċentru. Is-servizz ta’ detenzjoni m’għandhx u qatt ma kellu armi tan-nar, għall-anqas taħt din l-amministrazzjoni."

Ritratt: Ian Noel Pace