Salvati 176 persuna minn dgħajsa tas-sajd?l-imwiet fil-Mediterran telgħu għal 3,176

Fl-aħħar sigħat il-bastiment Siem Pilot kien involut f'missjoni ta' salvataġġ u dan hekk kif kien hemm dgħajsa tas-sajd li fuqha kien hemm 176 persuna.  Dawn kienu fi triqithom mil-Libja lejn l-Ewropa.  Dawk salvati ħafna minnhom kienu ġejjin mill-Eritrea.

Intant sas-7 ta' Awwissu l-imwiet ta' persuni fil-Mediterran kien tela' għal 3,176 persuna.  B'kollox, mill-1 ta' Jannar sas-7 ta' Awwissu kien hemm xejn inqas minn 263,636 persuna li daħlu fl-Ewropa bi vjaġġi bil-baħar.