Binja se taqa' minn mument għall-ieħor ... tittieħed azzjoni wara r-rappurtaġġ tagħna

Il-kamra ċkejkna imġennba, li xi wħud iqabbluha mat-torri ta' Pisa u li tinsab f'riskju li taqa' fi triq li minnha jgħaddu ħafna karozzi, issa tinsab quddiem l-awtoritajiet konċernati. Wara li inewsmalta.com irrapporta għal darba oħra dwar din l-istruttura li l-konsenturi fiha jidher li kibru, is-Sindku tar-Rabat, Charles Azzopardi infurmana li ġew infurmati l-Pulizija, il-Lands u l-unit tar-restawr.

Il-kamra ma tinsabx fit-triq imma tinsab eżatt biswit ta' għalqa, bl-intervent fuqha ma jistax isir mill-kunsill imma jrid isir minn dawk involuti fir-restawr. Din l-istruttura tmur lura għal meta kien jaħdem il-vapur tal-art.