Meta fdal ta' dar isir attrazzjoni

Kultant tiskanta kif bi ftit kreattività u ħsieb dak li jkun jidher li ma jista' joffri xejn, jinbidel f'attrazzjoni. Xi ħaġa simili ġrat fil-bypass tal-Qrendi. Meta saret il-bypass tal-Qrendi fis-snin sebgħin, kienet twaqqgħet dar u minnha inżamm ħajt li fih hemm daħliet fil-ħajt forma ta' ħnejja.
Il-Kunsill tal-Qrendi qabad dan il-ħajt li kien abbandunat u f'periklu li jaqa' u għamel proġett miegħu. Għamel paviment fl-art ta' madwar, saru l-bankijiet u tisbiħ ieħor biex issa ż-żona tista' titgawda minn kull min iżur il-Qrendi.