"Ħajti qatt mhi se tkun l-istess mingħajrek"
         - Mandy Falzon, oħt is-sewwieq tal-mutur

"L-aqwa patissier. L-idejn artistiċi tiegħu kienu jagħmu l-maġija. Se nħossu ħafna in-nuqqas tiegħek għażiż ħija. Ħajti qatt mhu se tkun l-istess mingħajrek". Dan il-messaġġ imqanqal għamlitu Mandy Falzon li tiġi oħt Clifford Falzon, li nhar il-Ħadd filgħodu miet traġikament fil-bypass tal-Mellieħa f'inċident li kellu.

Il-kumpanija Busy Bee, iddikjarat li tinsab imnikkta ħafna bil-mewt ta' Clifford. Il-kumpanija esprimiet il-kondoljanzi lill-familjai u qalet li Clifford kien rispettat ħafna għall-kontribut li ta lill-kumpanija. L-inċident seħħ għall-ħabta tad-9.00 a.m. meta l-vittma kien qed isuq mutur tat-tip Triumph meta għal xi raġuni tilef il-kontroll u ħabat f'barrier. Hu ngħata l-ewwel għajnuna minn sħabu stess iżda hu miet aktar tard fl-Isptar Mater Dei.