"Biex tfiq kellha taqta' kollox" ... il-karba ta' omm Gabriella dwar xewqet bintha

Fis-sentejn ta' kura ma jaqtgħu xejn, din it-tifla tista' tgħid inqatgħet minn dak kollu li tħobb. Tifla li tħobb ħafna l-annimali. Tista' tgħid li tilfet kull opportunità li ġietha biex taqta' xewqitha u tmur f'xi post fejn jinżammu l-annimali fosthom iż-żwiemel.
Minħabba l-kura li kienet qed tingħata hi ma setgħetx issiefer barra l-pajjiż. Il-ħolma tagħha kienet u għadha li tmur Disneyland. Ommha minħabba li waqfet mix-xogħol fil-mument mhix f'pożizzjoni li tidħol għal spiża bħal din. Fi kliemha stess minħabba li waqfet taħdem għandha ċerti bżonnijiet u spejjeż fid-dar.
Ħabiba tal-qalb ta' Marija, qaltilna li "t-tifla tixtieqha ħafna li ssiefer. Tixtieq ħafna tmur f'Disneyland. Hi xewqa li qed nittamaw li tinqata' jekk insibu ftit għajnuna. Nixtiequ ħafna li naqtgħulha din ix-xewqa wara dak kollu li għaddiet minnu".