Il-President tar-Repubblika, kunsillieri u Musulmani f'laqgħa ta' siegħa u nofs

Il-laqgħa li ssejħet mill-President tar-Repubbika, Marie Louise Coleiro Preca, liema laqgħa ġabet lill-Kunsill tal-Musulmani f'Malta u l-Kunsill ta' San Pawl il-Baħar madwar il-mejda bil-għan li jintlaħaq kompromess dwar proposta biex binja tinbidel f'post ta' talb għal Musulmani f'Buġibba. Inewsmalta segwiet dak li kien għaddej minn barra l-grada tad-daħla li tagħti lejn il-Palazz ta' San Anton. Stajna ninnutaw li daħlu tliet kunsilliera u s-Sindku.
Iż-żewġ kunsilliera Laburisti dehru deħlin bil-mixi waqt li l-kunsillier l-ieħor u s-Sindku Graziella Galea daħlu bil-karozza. Daħlet ukoll karozza oħra b'erba' rappreżentanti tal-Kunsill tal-Musulmani b'wieħed minnhom kien liebes l-ilbies tradizzjonali. Mhux magħruf x'irriżulta minn din il-laqgħa hekk kif inżamm skiet assolut.