Imfakkra t-traġedja ta' immigranti li seħħet tliet snin ilu

Illum f'Lampedusa ġiet imfakkra t-traġedja li fiha mietu madwar 350 immigrant Afrikan meta d-dgħajsa li kienu fuqha għerqet 'il barra minn Lampedusa.
Wara ħidma li saret minn kumitat li kien twaqqaf apposta, il-ġurnata tat-3 ta' Ottubru ġiet rikonoxxuta mill-Gvern Taljan bħala l-ġurnata nazzjonali li fiha għandha titfakkar din it-traġedja.
Fuq dik id-dgħajsa kien hemm 500 immigrant u kienu salvaw biss 155. Illum għadd ta' immigranti irritornaw lura Lampedusa biex ifakkru din it-traġedja. Ta' min jgħid li ftit jiem warajha mbagħad kien hemm traġedja oħra li fiha għadd ta 'persuni Sirjani spiċċaw għerqu.