Investigazzjonijiet arkeoloġiċi fil-Marsa…'nixtieq li jibqgħu jitgawdew mill-pubbliku'

Żona magħrufa għal kull tip ta' skart li kien jintefa' fiha b'mod partikolari wara l-ħitan tas-sejjieħ li kellha, fl-aħħar jiem bdiet titnaddaf mill-ħamrija u ħitan li kien fiha.  Ix-xogħlijiet wasslu biex instab għadd ta' fdalijiet arkeoloġiċi, tant li bħalissa ix-xogħol jinsab wieqaf. Is-Sovrintendenza għall-Patrimonju qed tagħmel l-investigazzjonijiet tagħha dwar dawn is-sejbiet.

F'kuntatt mas-Sindku tal-Marsa, Frans Debono, hu enfasizzalna li hu jħoss li l-parti li fiha instabu dawn il-fdalijiet,  għandha titħalla barra mill-iżvilupp biex dak li nstab ikun jista' jitgawda mill-pubbliku.

inewsmalta.com għamel kuntatt ukoll mad-Deputat Kap tas-Sovrintendenza għall-Patrimonju, Nathaniel Cutajar.  Hu qalilna li " ż-żona indikata hija koperta minn applikazzjoni għall-iżvilup. Din iż-żona estensiva qed tiġi investigata mis-Sovrintendenza biex tiġi stabilità in-natura u l-importanza tal-fdalijiet arkeoloġiċi fil-konfini ta’ din l-applikazzjoni għall-iżvilupp."

Hu qalilna ukoll li "dawn l-investigazzjonijiet għadhom mhux lesti, u għadu kmieni wisq biex noħorġu il-konklużjonijiet uffiċjali tagħna."

Ritratt: Roger Azzopardi

minn l-orizzont