Sospiża d-deċiżjoni li jinqatel ħamiem f'Birkirkara…'imma xi ħaġa trid issir'

L-aħbar li bdiet tinxtered fuq is-siti soċjali li l-Kunsill Lokali ta' Birkirkara kien se joqtol għadd ta' ħamiem li kien hemm f'żona f'Birkirkara, u li dwaru kien hemm ilmenti kbar mir-residenti, wasslet biex kien hemm min ilmenta dwar din l-azzjoni.  Fi kliem is-Sindku ta' Birkirkara, Joanne Debono Grech, l-azzjoni ġiet sospiża. Hi enfasizzat iżda li "xi ħaġa trid issir għax ir-residenti li qed ibatu minn dan il-ħamiem qed issirilhom ħsara fil-proprjetà".  Is-Sindku spjegat li hemm ħafna minn dan il-ħamiem marid. 

Jidher li l-kunsill kien ilu jipprova jsib tarf din il-problema ta' ammont kbir ta' ħamiem.  Filfatt kien inġab materjal li tqassam fid-dar biex jitpoġġa fuq bjut u galleriji. Dan il-materjal, jidher qisu nar u għalhekk suppost ibeżża l-ħamiem. Biss dan ma ħadimx.

Jidher li apparti Birkirkara hemm problema kbira fil-ħamiem f'Ħal Balzan fejn mhux eskluż li titteħed xi azzjoni hemm ukoll. 

Ritratt: Ian Noel Pace

minn inewsmalta.com