Beda l-proċess biex l-impjant tal-BWSC jibda jitħaddem bil-gass - il-Prim Ministru Joseph Muscat

Il-Prim Ministru Joseph Muscat ħabbar li  beda l-proċess biex l-impjant tal- BWSC f'Delimara jinqatgħalu ż-żejt u jibda titħaddem bil-gass. Qal li nofs l-impjant tal-BWSC iżżarma u qed issir l-infrastruttura għall-gas.

Hu beda l-intervent tiegħu billi qal li ż-żieda fl-investiment qed tidher kull ġimgħa b'investiment dejjem ġdid li qed joħroġ.  Kellna kumpanija li timpjega 1,800 persuna u din se tinvesti €16-il miljun biex tespandi u aktar nies isibu karriera. 

Qal li "fil-libertajiet ċivili minn l-aħħar fl-Ewropa bqajna ngawdu l-ewwel post fejn qed inkunu ta' eżempju għad-dinja f'dan il-qasam. Irridu nagħmlu sforzi enormi f'dani s-settur biex nibqgħu fejn aħna", tenna l-Prim Ministru.

Sostna li "ftit li xejn hemm nies li jafu li din hi s-60 sena minn mindu daħlet il-liġi tal-bolla. Dak iż-żmien kien hemm  min ma emminx f'din il-liġi progressiva u sejħilha bolla balla. Din kienet tat is-sisien biex mijiet ta' eluf ta' Maltin intrefgħu mill-faqar.  Illum wara li ma sar ebda titjib fl-aħħar snin fil-pensjonijiet, f'Jannar ta' din is-sena għall-ewwel darba f'25 sena irċevew żieda fil-pensjoni. Fil-baġit ta' din is-sena ukoll se nkomplu naħsbu fil-pensjonanti. Qed indaħħlu mijiet ta' nies fil-klassi tan-nofs ġdida li qed noħolqu. Flok mara tibqa' d-dar tiddependi mill-benefiċċji, qed intuha għajnuna biex toħroġ taħdem".

Il-Prim Ministru kompla jgħid li "qed noħorġu lil ħafna  familji mill-kultura tal-faqar u assistenza. Fl-ewwel tlett snin kabbarna l-ekonomija u żidna x-xogħol. Imma aħna m'aħniex torox u għamja u mhux se nagħlqu għajnejna għax xorta għad hawn  min għadu fqir u mhux ilaħħaq mal-ħajja. Għad hawn min il-paga tajba biżżejjed biex tlaħħaq mal-ħajja. It-tkabbir ekonomiku bla ġustizzja soċjali ma jiswa għal xejn. Biss il-ġustizzja soċjali ma tistax titwettaq jekk ma jkollokx xi twettaq. Dan hu gvern ta' riformi u li ma jiddejjaqx jagħmel il-bidliet. 

Enfasizza li "tafu li fuq il-pjan tal-enerġija tagħna, aħna qed nagħtu €80 miljun lill-poplu f'kontijiet irħas. 

Ritratt: Ian Noel Pace

minn inewsmalta.com