Ikkonfermat: 20 migrant mietu fl-aħħar jiem mgħarrqin

Kif ġie rrappurtat nhar il-Ġimgħa minn inewsmalta.com, issa qed tkun ikkonfermata traġedja oħra f'nofs il-Mediterran. Mill-inqas 20 persuna mietu mgħarrqin. Din hi traġedja li sa issa ftit li xejn ingħatat attenzjoni.

B'kollox ġew salvati 366 immigrant minn fuq dgħajsa b'dawk salvati meta tkellmu kemm ma' volontieri li għenuhom kif ukoll mal-awtoritajiet Taljani bdew jgħidu li mietu bejn 20 u 30 persuna.
Dawn l-immigranti ddaħħlu fil-port ta' Augusta. Huma kienu salvati mill-bastiment Norveġiż Siem Pilot. Ġew salvati 82 nisa u 25 tfal fost oħrajn. In-nazzjonalitajiet ta' dawk salvati huma minn Niġerja, Etjopja, Eritrea u l-Bangladesh.