Investiment ta' €1.3 miljun fil-MetallForm: Bdew bi 12-il ħaddiem u dalwaqt ikollhom 320

Estenjsoni ta' 1,853 metru kwadru fil-fabbrika tal-kumpanija MetallForm f'Ħal Far se twassal biex l-impjegati tagħha fil-ġimgħat li ġejjin se jitilgħu għal xejn inqas minn 320.

B'din l-estensjoni din il-fabbrika se żzżid il-ħaddiema b'70 persuna. Il-fabbrika, li tispjeċjalizza fi prodotti farmaċewtiċi b'mod partikolari għat-trabi, ilha topera f'pajjiżna sa mis-sena 1992. Dakinhar kellha magħha 12-il impjegat. L-estensjoni l-ġdida li bħalissa qed taħdem fuqha l-kumpanija se twassal għal investiment ta' €1.3 miljun.

Il-kumpanija ftit xhur ilu għamlet estensjoni oħra, fejn dakinhar l-investiment kien ta' €500,000. Id-diretturi tal-kumpanija enfasizzaw kemm hu importanti li fid-dinja tal-lum ikun hemm flessibilità fost il-ħaddiema u prodotti ta' kwalità.
Dalgħodu saret żjara lill-kumpanija mill-Ministru għall-Ekonomija, l-Investiment u l-Intrapriżi Żgħar, Chris Cardona, u l-Ministru għall-Edukazzjoni u x-Xogħol, Evarist Bartolo.
minn inewsmalta.com