Abbandun totali fil-bandli ta' Buġibba

Dawk li xi darba kienu l-bandli ta' Buġibba llum jinsabu f'telqa' totali. Vaska vojta u ilha żmien twil ma tara qatra ilma. L-art imkissra u l-bandli imkissrin. Dan flimkien mal-ambjent ġenerali fl-istess bandli li jurik li l-post hu mitluq totalment. Residenti, li għal diversi drabi kienu rrappurtaw dwar l-istat li jinsabu fihom l-bandli, qed jistaqsu fejn huma l-awtoritajiet li suppost jagħmlu spezzjonijiet fil-bandli u jaraw li jkunu siguri. "Dan il-bandli, tant jinsab fi stat ta' abbandun, li hu perikoluż għat-tfal. Ilmentajna fuq li ilmentajna biex forsi jiġi rranġat u miżmum sew imma kollox jidher li waqa' fuq widnejn torox".